Thursday, June 19, 2008

دا الحب سر الحياة


أحلامك أحلام صبيانية وطموحاتك طموحات يوميه وذكرياتك ذكريات شبابيه ., بلاش لا مبالاه وسلبيه دا العمر فى لحظه بيعدى وأنت ماشى على الطريق مهدي , سيبك أنت يا إبنى من الأحلام دية ضيعت شبابك في الأوهام وعمرك فى شويه أحلام وجاى فى الآخر ندمان طب ما أنت أكيد اللي غلطان ...., فكرت مرة وقعدت مع نفسك تحاكم فيها ضميرك وتقول لنفسك عملت إية في اللي فاتك واللي باقي لسه في حياتك وعمرك دلوقتى أد إيه وإنت يا عيني مش عارف تعمل إيه , مش لاقى حد يساعدك , مش لاقى حد يدلك ع الطريق المستقيم ...., جربت مرة في عز ظلمه الليل والسكون لوحدك تحكى مع حالك إية اللي شاغلك وإيه اللي في بالك ., جربت مرة تسرح بخيالك في سنين مرت علينا من طفولة أو من شباب , جربت تقول يا ريت جربت تقول دا كان ., حسيت مرة إنك وحيد وبأفكارك شارد بعيد رغم كل اللي حوليك أهلك وإصحابك بين إيديك , دايما حاسس بالتوحد بالغربة والإنعزال ....., أتمنى فى يوم تلاقى طريقك للنجاة خطوة فى تحقيق مرادك ودى خطوة للحياة إعمل لليوم وبكرة وسيبك من اللى فات ., ما تقولش دى كانت ذكرى قول دى ماضى وتاه وبإيدك تحب غيرها دا الحب سر الحياة ....,

2 comments:

dark angel said...

جميل اوي البوست دة
و احلى ما فيه انك بينت محاسبة الواحد لنفيه بتبقى ماشية ازاي و ازاي بيحس بندم على حاجات ممكن يكون عملها او كان لازم يعملها
و صح زي مانت قلت سيبك من اللي فات
اصلنا عمرنا ما هنقدر نرجع بالزمن و نغير حاجة ..بس ممكن لو واجهنا موقف قابلناه مرة قبل زمان و هنقدر ناخد القرار الصح
معرفش ليه عندي احساس ان كلامي مش راكب على بعضه :D
اتمنى بس مكونش ضيف تقيل على المدونة
يللا سلام

moody said...

ليه بتقولى كدا دا انتى عندى بالدنيا يا أرق ضيف ع المدونه....
لازم الواحد بجد يحكى مع نفسه ويحاكم ضميرة ويسترجع زكرياته..., الحلو منها يفتكرة ويبتسم , والوحش يتعلم منه..., الحكايه مش حكايه زكريات حب وخلاص,,, فيه حاجات كتير فى حياة الانسان لازم يسترجعها ويتعلم من أخطائه وما يقولش عمرة يا ريت كنت عملت كذا او كذا فالعمرة قدامه يقدر يحقق فيه كل اللى فاته وإياة يستسلم للوحدة والانعزال لازم يدور على زاته ويلاقى طريقه لتحقيق مرادة لأنه لوحدة هو اللى ادرى بحاله ......واللى جاى دايما أحلى من اللى فات وكله فى الاخر زكريات