طلبت منى طلب ومش لاقى في الرفض سبب , قالتلى تكتب عن حبيب القلب اللي في بعدة عنى غايب وتاركنى في وحدتي , سهرانه في عز سكون الليل وف همس وحدتي وسط النجوم والقمر بحلم بإنه يعود.........,مهما طال بالبعد عنى لسه صورته جوه قلبي لسه صوته بينادينى لسه فاكره كل كلمه كل نظرة كل همسه حب قالها ؛ قالها ليا يوم وداعه . يوم ما قال إن الأماني والوعود اللي ما بنا لازم تعود . سابني وحيدة وسافر لبلاد بعيدة , كنت فاكره ببعده عنى هقدر أتحمل فراقه . لكن في الحقيقة زاد حبي ليه واشتياقي , طيفك حبيبي بينادينى قلبك حبيبي بيحتويني صورتك حبيبي في نن عيني ؛ إرجع حبيبي كفاية دا شوقي ليك ملهوش نهاية , قلتلى هما يوم أو يومين و ف بعدك حبيبي اليوم بيعدى كأنه سنين بأسهر حبيبي طول الليل ودمعتي على خدي والحزن مالي قلبي أمتي الجراح هتزول إمتي الغيوم وسط الأفق تنتهي ويطلع الصبح الجميل والشمس وسط السما بالنور ...., إمتي الحبيب هيعود إمتي الحبيب هيعود
No comments:
Post a Comment