Sunday, August 24, 2008

يوتوبيا


يعنى ايه الحياة المثاليه ......؟




يعنى حياة بدون كذب ونفاق وانانيه ولا الحياة فى عيشه هنيه ؛

دا الحياة المثاليه فى حيتنا اصبحت اغنيه .......

هل الحياة المثاليه هى انك تعيش فى حالك وانا اعيش فى حالى سلام وديمقراطيه

ولا الحياة مشاركه وجدانيه بدون مشاكل وعصبيه حياة فيها التفاهم والرفاهيه .....

بس فين هى الحياة ديه ....؟!




الكل عايش فى دور مش دورة وزمن اختلفت فيه كل معايير زمانه اللى عاش فيها ؛

يعنى عايش زمن مش زمانه ؛ عايش زمن غيرة ؛ ودا نوع من عدم تكافؤ الفرص بين الناس وبعضها

أو حتى فى الظروف والاحداث اللى بتمر بينا وعايشينها .

مش معنى ان الحياة المثاليه مش موجودة حوالينا أو ان الظروف مش سامحه لوجودها دة مش معناة





انها مش موجودة من الاساس ...... لأ دا احنا اللى فقدناها فى انفسنا ؛ فلو كل فرد فينا دوّر فى شخصيته

وفى تكوينه كبشر هيلاقى ان الحياة المثاليه دى هى اللى اتخلق عليها . فهى الفطرة التى فطر الله الناس عليها

بيختلف مفهوم الحياة المثاليه من شخص لاخر وتتشعب مفاهيم تلك الحياة من تفاؤل وامل وطموح وحياة علميه

وعمليه او حتى اجتماعيه بيعيش فيها الشخص اللى بيدور على الحياة المثاليه دى .





الموضوع مش محتاج إعجوبه او سحر علشان تتحقق المثاليه فى حياتنا . لازم نرتب امورنا ونركز على

ايجابياتنا وايجابيات المجتمع ونبعد خالص عن السلبيه وسلبيه مجتمعنا . ولازم يكون لينا هدف واحد فى كل

ركن من امور حياتنا اللى عايشنها سواء فى العمل او البيت او حياتنا الشخصيه .



من الامور اللى بتساعد على وجود حياة مثاليه فى البيت او فى العمل او فى حياتنا باكملها هى وجود لغه

مشتركه فى الحوار واللى بتبدأ من الاهل وكيفيه تربيه اولادهم ؛ مش بس لغه حوار داخليه فى البيت ولكن



لغه تفاهم بينك وبين المجتمع الخارجى واحتكاكك بالناس والعقول الاخرى وازاى تفهم وتتعامل مع كل شخص

حسب تفكيرة وإدراكه للشئ اللى انت عايز تقوله ؛ البعض بل والاكثريه منهم لا يعى – يفهم – ما تقوله او

مفردات كلماتك ظنا منه انك تتعالى عليه بالقول , وتفرض سيترتك وافكارك عليه وهنا ينشأ الخلاف وتفقد انت





لغه التفاهم والحوار معه – العيب فيك انت ؟ – فالطبيب الماهر هو من يقوم بتشخيص حاله المريض أولا

وتشخيص مرضه دون ان يصيب المريض بأى ألم نفسى او جسدى ؛ فالبعض يخفى على المريض حقيقه مرضه

خشيه ً عليه ؛ والبعض الاخر يكشف له ويعرفه طبيعه مرضه هذا وما يعانى منه . وذلك بإختلاف كل مريض

عن الاخر ثقافه ً وفكرا ً وتحملا ً . فلماذا لم تكن انت ذلك الطبيب تشخص مرض المجتمع كى تعرف الدواء

المناسب له . ان الحياة المثاليه نفتقدها فى حياتنا الاجتماعيه والعمليه بل والعلميه ايضا . لفقداننا الثقه فى انفسنا






وفقداننا المثل والقدوة ..... يوتوبيا والحياة المثاليه , يوتوبيا وطبقات المجتمع الغنيه , يوتوبيا والتسليه بأصحاب

العقول والثقافات , يوتوبيا أحداث من زمن فات وزمن آت . قصه شاب مثقف , قصه ثقافه ومجتمع مقسوم





غنى وفقير معدوم .., جاهل حاقد ومثقف مظلوم يهوى العلم والتغيير فى ظل ظروف بينحت فى وسط الصخور

ينادى فى مجتمع أصم أبكم معدوم ... أريد أن أخرج طاقاتى ف النور . حبيسه عقلى أسيرة تلك الظروف .

فلو كنت ولابد فاعلا لأعددت للرحيل راحلتى ., فلماذا انا فى مجتمعى منبوذ يستخفون بى ويستهزئون .

مجتمعى ؟ ستعرف يوما من اكون سأخرج من صدرى تلك الشجون , واقول بأعلى صوتى لست انا بمجنون
لست انا بمجنون

2 comments:

Anonymous said...

انا اول مرة اسمع كلمة حياة مثالية !!!!!!وبعدين حياة مثالية مش مثالية احنا عايشينها ولازم نعيشها علشان احنا مش موجودين علشان الحياة مثالية كانت او لم تكن
وبعدين تفتكر لو الحياة مثالية هتكون دي الراحة والسعادة؟؟؟؟ ابدا عارف ليه؟؟؟؟
لان دي طبيعة ابن ادم فقد قيل للسعادة اين تسكنين ؟ قالت في قلوب الراضين قيل وبم تتغذين ؟قالت من قوة ايمانهم قيل وبم تدومين ؟قالت بحسن تدبيرهم قيل وبم تؤمنين؟قالت ان تعلم النفس ان لن يصيبها الا ماكتب الله لها
شكرا علي الموضوع يامحمود ويارب تكون وجه نظري وصلت
الملاك الباكي

mohamed said...

عندك حق مفيش وجود للحياه المثاليه او للشخص المثالى الا لو فضل على فطرة ربنا ولو اطاع امره وبعد عن نواهيه هيبقى فيه جماااااال فى الكون جمال خلق الله انما لما تمتد يد الانسان بالخراب فهمنا يحدث التغير والتزمر
ومعاكى فعلا كل الحق ليه م نعامل كل شخص على قد علمه وثقافته علشان نقدر نوصله وليه دايما بنتهم الحياه طيب يمكن العيب فينا
شكرا على البوست الجميل وكل سنه وانتى طيبه
اشوفك وسط حروفك
تحياتى سلااااااااام